Members message

Category: Uncategorised Published: Thursday, 25 August 2016 Written by Super User

የፀረ ወባ ማህበር አባል የሆንኩ በግል ተነሳሽነት ማኅበሩ /ቤት በመሄድ ባቀረብኩት ጥያቄ ነው፡፡ ለዚህ ደግሞ መነሻው የወባ ወረርሽኝ ያደረሰውን ከፍተኛ እልቂትና መፈናቀል ለመቋቋም ማኅበሩ ስላደረገው ታረካዊ ትግልና ስለተገኘው ውጤት በሕዝብ መገናኛ በመስማቴ ነው፡፡ በአባልነት ተመዝግቦ የአባልነት ክፍያ እየፈጸሙ የማኅበሩ ሥራ ታዛቢ መሆን ብቻ በቂ ባለመሆኑ በበጎ ፈቃደኝነት በቦርድ አባልነትና በቦርድ ሰብሳቢነት ለአምስት ዓመታት በማገልገል ከማኅበሩ እንቅስቃሴ ተሳታፊዎች አንዱ ለመሆን መቻሌን እንደ ትልቅ እድል አቆጥረዋለሁ፡፡ ማኅበሩ ከጊዜያዊ ችግር ፈችነት ተጠቃሚውን በማስተባበር ወደ ቋሚ የጤናና የልማት አጋርነት ሲሸጋገር ለማየት ችይለሁ፡፡ በዚህ ሂደት የአካባቢውን ኗሪ ብቻ ሳይሆን በአገር ዉስጥና ከአገር ዉጭ ያሉ ተወላጆችን በበጎ ፈቃደኝነት በማስተባበር፣ መንግሥት በአካባቢው የሚያደርገው የጤናና የልምት እንቅስቃሴ እንዲሳካ በቀጥታ አጋርነት፣ አንዲሁም የማኅበሩ ዓላማ  ግቡን እንዲመታ የሚረዱትን የሀገርና የውጭ መንግሥታዊ ያልሆኑ ተቋሞችን በማስተባበር ዛሬ ላለበት ደረጃ በቅቷል፡፡ ከሁሉም በላይ ማኅበሩ ያለው ራዕይ ተጠቃሚው ሕብረተሰብ እራሱን ችሎ የራሱን የጤናና የልማት እንቅስቃሴ በባለቤትነት ለዘለቄታው እንዲመራ ማድረግ በመሆኑ ይህንን ከግቡ ለማድረስ አስተማማኝ መሠረት ጥሏል፡፡ አሁን ደግሞ የአገልግሎት አድማሱን ሰፋ አድርጎ አጠቃላይ የጤናና የልምት እንቅሰቃሴዎችንም ፕሮግራሙ ውስጥ ማካተቱ የዚህ ሂደት አካል በመሆኑ ማኅበሩ ከጊዜው ጋር የሚራመድ ለመሆኑ ምስክር ነው፡፡ ባጠቃላይ ለወገን ችግር ደራሽ ወገን ነው በሚል መርህ  የተጀመረው እንቅስቃሴ ለማኅበሩ ብዙ ደጋፊዎችን አስገኝቶለታል፣ ወደፊትም የሚያደርገው ተሳትፎ እያደገ እንደሚሄድ አልጠራጠርም፡፡ ባደረግሁት አስተዋጽኦም በጣም እኮራለሁ፡፡ ወደፊትም በአባልነቴ የሚጠበቅብኝን አስተዋጽኦ ከማድረግ ወደኋላ አልልም፡፡

መብራቴ መንግሥቱ ውድነህ

Hits: 729