logo

May 16 2024

የዓለም ከትምባሆ ነፃ ቀን መክፈቻ ስነስርዓት በአድዋ መነሻ አዳራሽ ተካሄደ

በየዓመቱ በዓለም አቀፍ ደረጃ ግንቦት 23 ቀን የሚከበረው “የዓለም ከትምባሆ ነፃ ቀን” ማስጀመሪያ ፕሮግራም በአዲስ አበባ ምግብና መድኃኒት ቁጥጥር ባለስልጣን የኢትዮጵያ ምግብና መድኃኒት ቁጥጥር ባለስጣን እና ጤና ልማትና ፀረ-ወባ ማኅበር አስተባባሪነት ከ 2000 በላይ ታዳሚዎች በተገኙበት ተካሄደ፡፡

በዚህ አመትም በዓለም አቀፍ ደረጃ ለ37ኛ ጊዜ እንዲሁም በሀገራችን ኢትዮጵያ ለ 32ኛ ጊዜ “ከትምባሆ ኢንዱስትሪ ጣልቃ ገብነት ህፃናትን እንከላከል!” በሚል መሪ ቃል ይከበራል፡፡

የዚህ አመትም የትኩረት አቅጣጫ ከጊዜ ወደ ጊዜ በከፍተኛ ሁኔታ እየጨመረ የመጣውን ህፃናትና ወጣቶችን ትኩረት በማድረግ የትምባሆ ተጠቃሚነታቸውን ለማስፋፋት የትምባሆ ኢንዱስትሪ የሚጠቀማቸውን የተለያዩ የግብይት ስልቶችን ለማህበረሰቡ በማስገንዘብ ኢንዱስትሪው ለወደፊት ቋሚ ደንበኞቼ ይሆናሉ ብሎ የሚጠብቃቸውን የአሁን ህፃናትና ወጣቶች ከሱሰኝነት መከላከልና ወደፊት የሚኖረውን የአጫሾችን ቁጥር መቀነስ ነው፡፡

በዚሁ መድረክ ጤና ልማትና ፀረ-ወባ ማኅበር በትምባሆ ኢንዱስትሪ የጣልቃ ገብነት መጠን ላይ ከ Good Governance Tobacco Control ጋር በመተባበር ከ 2020 ጀምሮ ሲያካሂዳቸው የነበሩ አመታዊ ጥናት ግኝቶች በአጭሩ ቀርበዋል፡፡ በ2020 ኢትዮጵያ ከስድስት የአፍሪካ ሃገሮች ከኬኒያና ኡጋንዳ ቀጥሎ በ42 ነጥብ የትምባሆ ኢንዱስትሪ ጣልቃ ገብነት መጠን 3ኛ ደረጃ ላይ ነበረች፡፡

ጥናቱ በተከታታይ እስከ 2023 ባሉት ዓመታት ተደርጓል ፡፡ በ2023 በተመዘገበው 37 ነጥብ የትምባሆ ኢንዱስትሪ ጣልቃ ገብነት መጠን በ12 ነጥብ በከፍተኛ ደረጃ ቀንሷል፡፡ በዚህም ሃገራችን ከአፍሪካ ከቦትስዋና ቀጥሎ ሁለተኛ ደረጃን ይዛለች፡፡

+8

Boost post

Like

Comment

Share

admin

Leave A Comment

Location

Our Maps

© 2024 Copyright by Merciitsolution